SWISS fillon operimin e destinacionit të ri Tiranë – Zurich

Prej datës 1 Prill 2019 SWISS do të fillojë një destinacion të ri mes Zvicrës dhe Shqipërise. Linja e re e SWISS do të operohet nga Edelweiss, e cila do tu ofrojë pasagjerëve fluturime direkte dy herë në jave në qendrën më të madhe të Zyrihut, ku krijohet dhe mundësia për tu lidhur me Europën, Amerikën e Veriut, dhe gjithë pjesën tjetër të botës.

Fluturimet do të jenë çdo të Hënë dhe të Premte (shiko tabelen në fund)

Zyrihu është qyteti më i madh i Zvicrës me një popullsi prej 380,000 dhe mbi një million njerëz që jetojnë në rajon. Shtëpia e shumë selive dhe firmave Zviceriane, kompanive të shërbimeve financiare, qëndrave kërkimore shkencore dhe bizneseve në indrustrinë krijuese. Ky qytet është një nga qëndrat me të rëndësishme ekonomike të Zvicrës.

Zyrih-u është i lidhur mirë nëpërmjet rrugëve tokësore, hekurudhore dhe ajrore, duke e bërë atë një pikënisje ideale për të zbuluar pjesën tjetër të Zvicrës dhe vendeve përreth saj.

TIA është e përkushtuar në punën e saj për ofrimin e standardeve më të larta kundrejt pasagjerëve, linjave ajrore dhe klientëve. çdo ditë Aeroporti punon për të ofruar një shërbim gjithnjë e më cilësor, dhe një mjedis të qetë dhe të sigurtë për pasagjerët dhe klientët e tij. Kompania ofron gjithashtu një mjedis pune të standardeve të larta për linjat ajrore që operojnë në të.