Njoftime

Për shkak të numrit të madh të pasagjerëve, këshillojmë të gjithë udhëtarët tanë të mbërrijnë në Aeroportin Ndërkombëtar të Tiranës të paktën 3 orë përpara nisjes së fluturimit të tyre të planifikuar. Kjo do të sigurojë kohë të mjaftueshme për check-in, procedurat e sigurisë dhe hapa të tjerë të nevojshëm për një përvojë të qetë udhëtimi. Faleminderit për bashkëpunimin dhe mirëkuptimin. Udhëtime të sigurta!

Informacione të rëndësishme

Vetëshërbim për kartën e imbarkimit (iPort)

Shërbimi Iport u ofron pasagjerëve mundësinë për të vetëshkarkuar dhe printuar kartën e imbarkimit (boarding pass) për fluturimet e tyre, duke përdorur kioska të dedikuara në aeroport.

Pasagjerët që kanë bërë check-in online mund të përdorin këto kioska për të printuar shpejt kartën e tyre të imbarkimit.

Linjat ajrore që mbështesin këtë shërbim përfshijnë:

• Wizz Air
• Eurowings
• Transavia
• Ryanair (me kioskat e tyre të dedikuara).

Ky shërbim iu mundëson pasagjerëve shmangien e radhëve të gjata për të marrë kartën e imbarkimit.

Gjithashtu ai ndihmon dhe përshpejton procesin e imbarkimit, veçanërisht gjatë periudhave të ngarkuara dhe është ideal për pasagjerët që preferojnë një proces të shpejtë dhe të pavarur.

Dorëzim i bagazheve - Ryanair

Pikat e dorëzimit të bagazheve u mundësojnë pasagjerëve të dorëzojnë bagazhet e tyre pas kryerjes së check-in-it online dhe vetëetiketimit të bagazheve.

Pasagjerët që kanë printuar kartën e imbarkimit dhe kanë etiketuar bagazhet e tyre, mund t’i dorëzojnë në pika të dedikuara për Ryanair.

Në periudha normale janë të disponueshme 4 pika për dorëzimin e bagazheve. Ndërsa gjatë periudhave të pikut, numri i tyre rritet në 6 për të përballuar kërkesën e lartë.

Shpejtësi në procesin e bagazheve: Pasagjerët mund të dorëzojnë bagazhet e tyre shpejt, pa qëndruar në radhë të gjata.

Menaxhim i mirë i fluksit: Rritja e pikave në periudhat e pikut siguron që procesi të jetë sa më i shpejtë dhe efikas.

Lehtësi për pasagjerët: Redukton presionin dhe stresin e pasagjerëve gjatë fluturimeve me ngarkesë të lartë.

Common Check-In - Ryanair

Hapësirat e përbashkëta të check-in-it për Ryanair ndihmojnë pasagjerët që nuk kanë bërë check-in online ose kanë nevojë për ndihmë të mëtejshme për të përfunduar procesin.

Pasagjerët që kanë nevojë për asistencë mund të drejtohen te këto pika për:

1. Marrjen e kartës së imbarkimit.
2. Pyetje mbi fluturimin ose rezervimin e tyre.
3. Zgjidhjen e problemeve me dokumentacionin.

Në periudha normale janë të disponueshme 4 pika. Ndërsa gjatë periudhave të pikut, numri i tyre rritet në 6 për të përballuar numrin e lartë të pasagjerëve.

Ndihmë për pasagjerët: Siguron që askush të mos ngelet pas në proces për shkak të mungesës së njohurive ose problemeve teknike.

Përmirësim i përvojës: Pasagjerët marrin një ndihmë të drejtpërdrejtë dhe të qetë gjatë check-in-it.

Rritja e efikasitetit: Sistemi i përbashkët ul konfuzionin dhe ndihmon në shpërndarjen e fluksit në pika të ndryshme.

Common Check-In - Lufthansa Group (LHG)

Një banak i dedikuar për check-in të përbashkët për pasagjerët që udhëtojnë me linjat ajrore të grupit Lufthansa (Lufthansa, Austrian Airlines dhe Swiss).

Në këtë banak, pasagjerët mund të:

1. Kryejnë check-in për fluturimet e tyre.
2. Dorëzojnë bagazhet.
3. Marrin informacione mbi itinerarin e fluturimit.

Ky shërbim është specifik për linjat ajrore të Lufthansa Group (LHG).

Shërbim i centralizuar: Pasagjerët e LHG mund të kryejnë të gjitha proceset e nevojshme në një vend.

Përmirësim i efikasitetit: Redukton kohën e pritjes dhe u ofron pasagjerëve një përvojë më të strukturuar dhe të qetë.

Komoditet: Ideale për pasagjerët që udhëtojnë me grupe ose familje, duke i mbajtur të gjitha linjat ajrore të LHG në një vend.