Vlefshmëria e Pasaportës

Përpara se të rezervoni biletën, sigurohuni që pasaporta juaj është e vlefshme për periudhën e kërkuar nga vendi ku udhëtoni. Këtu janë kërkesat minimale për vlefshmërinë e pasaportës:

• Evropë – Pasaporta duhet të jetë e vlefshme të paktën 90 ditë pas datës së kthimit tuaj.
• Turqi – Duhet të keni të paktën 150 ditë vlefshmëri nga data e mbërritjes.
• Emiratet e Bashkuara Arabe (UAE) – Kërkohet 180 ditë vlefshmëri nga data e mbërritjes.

Udhëtoni me bordin elektronik (e-boarding pass) drejt zonës Shengen

Pasagjerët me kartë imbarkimi elektronike në telefon mund të udhëtojnë nga Aeroporti Ndërkombëtar i Tiranës drejt vendeve të Shengenit pa pasur më nevojë për ta printuar biletën!

1. Nëse kompania ajrore e ofron këtë opsion, sigurohuni që karta juaj e imbarkimit elektronik të jetë në telefon.
2. Skanoni atë në pikën e kontrollit të sigurisë dhe në portën e imbarkimit.
3. Udhëtoni më shpejt, pa dokumente shtesë!

3 orë përpara

Për shkak të numrit të madh të pasagjerëve, rekomandojmë të paraqiteni në aeroport (Aeroporti Ndërkombëtar i Tiranës) të paktën 3 orë para orarit të nisjes së fluturimit.

Kjo do t’ju sigurojë kohë të mjaftueshme për check-in, procedurat e sigurisë dhe hapat e tjerë të nevojshëm për një udhëtim të qetë.

Faleminderit për bashkëpunimin dhe mirëkuptimin.

Udhëtim të mbarë!

Shmangni radhën

Nëse tashmë e keni kartën e imbarkimit në telefon dhe udhëtoni vetëm me bagazh dore, jeni gati për të kaluar direkt në kontrollin e sigurisë.

Megjithatë, nëse keni bagazh për check-in, ju lutemi vizitoni sportelet e kompanisë ajrore për të dorëzuar valixhet dhe për të marrë kartën e imbarkimit të printuar.

“Shërbimi i Përbashkët i Check-in” – Ryanair

Për një proces të thjeshtë dhe të shpejtë, mund të drejtoheni tek sportelet tona të check-in në Sallën A, numrat A, B, 1 dhe 2, të hapura 24/7.

Ky shërbim ofrohet gjatë gjithë kohës, deri në 45 minuta para imbarkimit.

• Check-in dhe marrja e kartës së imbarkimit
• Printimi i kartës së imbarkimit
• Pyetje për fluturimin ose rezervimin
• Zgjidhje e problemeve me dokumentacionin
• Check-in i bagazhit

“Shërbimi i Përbashkët i Check-in” – WizzAir

Për një proces të thjeshtë dhe të shpejtë, mund të drejtoheni tek sportelet tona të check-in në Sallën B, numrat 14–24, të hapura 24/7.

Ky shërbim ofrohet gjatë gjithë kohës, deri në 45 minuta para imbarkimit.

• Check-in dhe marrja e kartës së imbarkimit
• Printimi i kartës së imbarkimit
• Pyetje për fluturimin ose rezervimin
• Zgjidhje e problemeve me dokumentacionin
• Check-in i bagazhit

“Shërbimi i Përbashkët i Check-in” – Lufthansa Group (LHR)

Për një proces të thjeshtë dhe të shpejtë, mund të drejtoheni tek sportelet tona të check-in në Sallën B, numrat 14–24, të hapura 24/7.

Ky shërbim ofrohet gjatë gjithë kohës, deri në 45 minuta para imbarkimit.

• Check-in dhe marrja e kartës së imbarkimit
• Printimi i kartës së imbarkimit
• Pyetje për fluturimin ose rezervimin
• Zgjidhje e problemeve me dokumentacionin
• Check-in i bagazhit

Njoftim i Rëndësishëm: Kartat e Rezidencës në Mbretërinë e Bashkuar janë zëvendësuar me E-Visa digjitale

Qeveria e Mbretërisë së Bashkuar nuk lëshon më dhe nuk pranon kartat fizike të rezidencës (BRP/BRC). E drejta e qëndrimit tashmë menaxhohet vetëm në mënyrë digjitale përmes sistemit online të UKVI si E-Visa.

Çfarë do të thotë kjo për pasagjerët

• Biometric Residence Permits (BRP) – nuk janë më të vlefshme (qoftë të skaduara apo ende në afat). Janë zëvendësuar nga E-Visa.
• Biometric Residence Cards (BRC) – të skaduara: nuk janë më të vlefshme.
• Biometric Residence Cards (BRC) – të vlefshme: pranohen ende përkohësisht, deri në zëvendësimin e plotë nga sistemi digjital.
• Vulat “Indefinite Leave to Remain” në pasaportë: mbeten të vlefshme.

Përdorimi i E-Visa

• Statusi i rezidencës ruhet online dhe mund të shihet përmes llogarisë tuaj UKVI.
• Për të provuar të drejtën e qëndrimit, punësimit apo marrjes me qira në UK, duhet të gjeneroni një share code online.
• E-Visa lidhet digjitalisht me pasaportën ose kartën e identitetit kombëtar.
• Autoritetet kufitare dhe linjat ajrore mund të verifikojnë statusin tuaj duke përdorur share code.

Diferenca e rëndësishme: E-Visa vs ETA

• E-Visa – përdoret nga rezidentët e UK sipas EU Settlement Scheme ose kategorive të tjera të imigracionit.
• ETA (Electronic Travel Authorisation) – është leje hyrjeje për vizita afatshkurtra (turizëm, biznes, vizita familjare deri në 6 muaj), e detyrueshme për disa shtetësi.

Pasagjerët që udhëtojnë drejt Mbretërisë së Bashkuar këshillohen të kontrollojnë paraprakisht statusin e tyre të imigracionit dhe të sigurohen që kanë akses në llogarinë e tyre UKVI online përpara udhëtimit.