Njoftim i Rëndësishëm për Pasagjerët

Samiti i Komunitetit Politik Europian në Tiranë

Më 15 dhe 16 maj, Shqipëria do të presë një nga ngjarjet më të rëndësishme politike të vitit – Samitin e Komunitetit Politik Europian. Ky samit do të mbledhë liderë nga i gjithë kontinenti europian, përfshirë edhe shtete jashtë Bashkimit Europian.

Për shkak të pranisë së delegacioneve të nivelit të lartë dhe masave të shtuara të sigurisë në Tiranë dhe zonat përreth, priten bllokime rrugësh dhe trafik i rënduar.

Këshillë udhëtimi: Nëse keni një fluturim më 15 ose 16 maj, ju rekomandojmë të planifikoni udhëtimin tuaj me kohë, pasi aksesimi i rrugëve drejt Aeroportit Ndërkombëtar të Tiranës mund të vonohet për shkak të kufizimeve të trafikut.

Ju këshillojmë të paraqiteni në aeroport të paktën 3 orë përpara fluturimit tuaj të planifikuar, për të pasur kohë të mjaftueshme për check-in, kontrollet e sigurisë dhe procedurat e tjera të udhëtimit.

--------------------------------------------

“Giro d’Italia” në Shqipëri – Njoftim për Pasagjerët

Drejtoria e Policisë Rrugore njofton se, për shkak të organizimit të ngjarjes sportive ndërkombëtare “Giro d’Italia” në Shqipëri, do të zbatohen masa të përkohshme për menaxhimin e trafikut në disa rrugë kryesore të Tiranës dhe zonave përreth.

Për këtë arsye, pasagjerët që udhëtojnë nga Aeroporti Ndërkombëtar i Tiranës këshillohen të nisen më herët se zakonisht, për të shmangur çdo vonesë të mundshme në rrugë.

Faleminderit për mirëkuptimin dhe bashkëpunimin tuaj.

-------------------------

Risi nga 1 Mars 2025 – Udhëtim pa biletë të printuar për zonën Schengen

Duke filluar nga 1 Marsi 2025, pasagjerët që kanë një kartë imbarkimi elektronike në telefon mund të udhëtojnë nga Aeroporti Ndërkombëtar i Tiranës drejt vendeve Schengen pa pasur më nevojë për ta printuar biletën!

Si funksionon ?

1. Nëse linja ajrore e ofron këtë opsion, sigurohuni që karta juaj elektronike e imbarkimit të jetë në telefon.

2.Skanojeni atë në kontrollin e sigurisë dhe në portën e imbarkimit.

3. Udhëtoni më shpejt, pa pasur nevojë për letra shtesë!