Më 5 Qershor 2019, Stafi i Aeroporti Ndërkombëtar të Tiranës “Nënë Tereza” iu bashkua fushatës së dhurimit vullnetar të gjakut për fëmijët talasemik. Dhuruesve iu bënë analizat përkatëse, për t’u siguruar që janë në gjëndje për të dhuruar gjak.

Kjo fushatë me titull “Gjak i Sigurtë për të gjithë” u zhvillua në bashkëpunim me Ministrinë e Shëndetësisë dhe Mbrojtjes Sociale dhe Qendrës Kombëtare të Transfuzionit të Gjakut, me synimin për të grumbulluar sasi gjaku për trajtimin e fëmijëve që vuajnë nga talasemia.

“Gjithmonë duhet të bashkëndajmë me ata që kanë nevojë për ndihmë. Dhurimi i gjakut është shërbimi më i mirë që njerëzit mund të bëjnë, dhe mund të shpëtojnë shumë jetë. Jemi të lumtur që u bëmë pjesë e kësaj fushate të dhurimit të gjakut, të nisur nga Ministria e Shëndetësisë dhe Mbrojtjes Sociale dhe Qendra Kombëtare të Transfuzionit të Gjakut,” tha Drejtori i Përgjithshëm Ekzekutiv i Tirana International Airport, Dr. Rolf Castro-Vasquez.

TIA vazhdimisht është bërë pjesë e nismave sociale, sidomos në ndihmë të fëmijëve në nevojë. Me bashkëpunimet me World Vision apo Shoqatën “Down’s Syndrome”, kompania është përpjekur të ndihmojë fëmijët e paprivilegjuar, duke rritur ndërgjegjësimin shoqëror dhe duke dhënë kontribut për këto çështje sociale që janë thelbësore për të gjithë ne.