Publikime

Tirana International Airport është plotësisht e angazhuar në përgjegjësinë sociale të korporatës

Publikuar nga

TIA në 02 Mars 2018

Shpërndaje

Ndani këtë informacion.

Aeroporti Ndërkombëtar i Tiranës është plotësisht i angazhuar në përgjegjësinë sociale të korporatave

 

  • Dy kamionë mbeturinash dhe 100 pemë i dhurohen Bashkisë së Tiranës
  • TIA rinovoi Akreditimin e saj të Karbonit, duke ruajtur Reduktimin e Nivelit 2

 

 

Aeroporti Ndërkombëtar i Tiranës (TIA) i ka dhuruar Bashkisë së Tiranës dy kamionë mbeturinash, si dhe 100 pemë për mbjellje në kryeqytet, duke u zotuar për përgjegjësinë sociale për një qytet të gjelbër. Ndërkohë, Aeroporti ka rinovuar Akreditimin e Karbonit, duke ruajtur Nivelin 2, Reduktimin, duke siguruar një mjedis të sigurt gjatë operacioneve të TIA.

“Jemi të lumtur të kontribuojmë në përmirësimin e kryeqytetit dhe besoj se nisma e gjelbër e ndërmarrë nga Bashkia do të ketë një ndikim të madh për qytetarët e saj. Aeroporti është dhe ka qenë gjithmonë përgjegjës ndaj çështjeve sociale dhe mjedisore,” tha Dr Rolf Castro-Vasquez, Kryeshefi Ekzekutiv i TIA-s.

Kryebashkiaku Erion Veliaj falenderoi TIA-n për përgjegjësinë sociale dhe qytetare që ka shfaqur, duke kontribuar për një qytet më të pastër dhe më të gjelbër përmes mbjelljes së më shumë pemëve në Tiranë.

“Po zhvillohen diskutime për vënien në funksion të autobusëve elektrikë nga Tirana në aeroport që do të mundësojnë uljen e ndotjes së mjedisit. Jemi në diskutime me kolegët tanë kinezë. Kina është në avangardën në lidhje me prodhimin e autobusëve elektrikë dhe mezi pres t'i vë këto autobusë me shpejtësi në funksion për të gjithë ata që udhëtojnë për në TIA,” tha zoti Veliaj.

Ndërkohë, Tirana International Airport ka njoftuar se ka marrë sërish njohjen e Nivelit 2 për Akreditimin e Karbonit të Aeroportit, më 21 janar 2018. TIA është pjesëmarrëse në programin e Akreditimit të Karbonit të Aeroportit, i cili vlerëson aeroportet për përpjekjet e tyre në menaxhimin dhe reduktimin e emetimeve të CO2 . Programi është miratuar nga organizata botërore e aeroportit Këshilli Ndërkombëtar i Aeroporteve (ACI), në të cilën TIA është një anëtar aktiv.

Përmes këtij programi, TIA është e përkushtuar të punojë me linjat ajrore dhe aktorë të tjerë të aeroportit për të reduktuar emetimet e CO2 në aeroport.

 

Publikuar nga

TIA në 02 Mars 2018

Shpërndaje

Ndani këtë informacion.

Fluturoni me mendje të qetë

Shijoni fluturimin tuaj dhe zbuloni ofertat dhe promocionet më të fundit nga partnerët tanë.

Gulliv Air

Fluturoni nga Tirana në Sofje me Gulliv Air. Duke filluar nga 62 Euro.

Mësoni më shumë

Air Albania

Ne ju sjellim më afër destinacioneve më të dashura të Evropës.

Mësoni më shumë