Unë jam me natyrën: Aktivitet me fëmijët në Aeroportin Ndëkombëtar të Tiranës për të festuar Ditën e Mjedisit


Organizimi dhe sponsorizimi i aktiviteteve sociale me fokus mjedisin, për ndërgjegjësimin e fëmijeve dhe te rinjve në zonat përreth aeroportit, po kthehet në një traditë  bukur për TIA dhe bashkëpunëtoret e saj të biznesit.

Më 8 Qershor 2017, në vazhdim të aktiviteteve për festimin e ditës botërore të mjedisit, 50 fëmijë nga klasat e ciklit të ulët nga Shkolla 9- vjeçare "Rexhe Deliu" në Rinas, u grumbulluan në mjediset e gjelbëruara të aeroportit.

Nxënësit me pankarta ne dorë "Ruaj Mjedisin" apo "Duam gjelbërimin" festuan në hapësirat e gjelbërta të aeroportit duke bërë foto. Miqtë u përshëndetën nga një pjesë e stafit të aeroportit për të vazhduar piknikun në Kalanë e Prezës.