Aeroporti Ndërkombëtar i Tiranës shënon një tjetër moment të rëndësishëm në rrugëtimin drejt qëndrueshmërisë.

Gjatë vizitës së Drejtorit të Përgjithshëm të Këshillit Ndërkombëtar të Aeroporteve – Europa (ACI Europe), Z. Olivier Jankovec, Aeroporti Ndërkombëtar i Tiranës nënshkroi Rezolutën e ACI për arritjen e objektivit Net Zero deri në vitin 2050, duke forcuar angazhimin e tij afatgjatë për veprim klimatik. Në të njëjtën kohë, u inauguruan punimet për ndërtimin e parkut solar, një projekt kyç që synon kompensimin e plotë të emetimeve të karbonit dhe pozicionimin e Aeroportit Ndërkombëtar të Tiranës si një nga aeroportet e para në Europë që arrijnë Net Zero deri në vitin 2030.

Ky zhvillim, i mbështetur nga investime të rëndësishme në inovacion dhe infrastrukturë, konfirmon rolin e Aeroportit Ndërkombëtar të Tiranës si një lider në zhvillimin e qëndrueshëm në aviacion.