Pasagjeri shqiptar shpërblehet me 20 mijë euro nga linja ajrore në Aeroportin e Tiranës

Ditën e sotme një qytetar shqiptar nga Tirana, është shpallur fitues i llotarisë ndërkombëtare të organizuar nga linja ajrore Wizz Air. Pirro Çajupi ka fituar midis mijëra pjesëmarrësve të tjerë, 20 mijë euro të cilat do t’i shfrytëzojë për rreth 200 destinacione.

Në një ceremoni të organizuar në Aeroportin e Tiranës, z. Pirro Cajupi i është dorëzuar çeku prej 20 mijë eurosh i cili do të përdoret për fluturimet që ofron linja ajrore. Z. Cajupi shprehu kënaqësinë e tij dhe të familjarëve të cilët do të kenë mundësinë të fluturojnë ne 200 destinacione.

Falë investimeve të Kastrati Group, Aeroporti Ndërkombëtar i Tiranës është shndërruar në një qendër të rëndësishme rajonale për pasagjerët që udhëtojnë nga e gjithë bota.

Aeroporti i Tiranës ka mirëpritur miliona udhëtarëve përgjatë vitit dhe pritet që deri në fund të 2024ës, të tejkalojë shifrën e 10 milionë pasagjerëve.