TIA është tashmë aeroporti me fluksin më të lartë në rajon, me mbi 2.8 milionë pasagjerë vetëm gjatë 4 muajve të parë të 2024-ës.

Kjo falë edhe linjave të reja dhe, veçanërisht, mundësive për lidhje me vende që nuk ishin lehtësisht të aksesueshme më parë. Një nga linjat më prestigjioze në botë, Iberia, i është shtuar së fundmi listës së linjave që operojnë në Shqipëri, që lidh Tiranën me Madridin (tre herë në javë). Nëpërmjet Madridit, udhëtarët nga Shqipëria tani kanë mundësinë të lidhen me të gjitha kontinentet dhe të përfitojnë nga lista e pasur e lidhjeve të Madridit me Amerikën Latine, Amerikën e Veriut dhe Azinë. Iberia është pjesë e grupit IAG, ku përfshihet edhe British Airways, e cila është gjithashtu e pranishme në Shqipëri që nga viti 2006.