Fluturimi i parë çek hap sezonin e verës

Të enjten pasdite më 15 qershor 2017 mbërriti fluturimi i parë SmartWings nga Praga në Aeroportin Ndërkombëtar të Tiranës “Nënë Tereza”, i cili hap sezonin turistik 2017.

Aeroporti Ndërkombëtar i Tiranës së bashku me Ambasadën çeke në Tiranë dhe Travel Service organizuan një ceremoni mirëseardhje për pasagjerët e parë.  Travel Service, kompania më e madhe ajrore çeke, operon udhëtime të rregullta nën markën e SmartWings. Do të ketë dy fluturime direkte në javë, të hënën dhe të enjten, deri në fund të muajit shtator.  

Shqipëria është kthyer në një destinacion shumë popullor për turistët çekë. Në vitin 2016 rreth 14.000 njerëz e vizituan vendin. Shumë turistë çekë udhëtojnë individualisht për të eksplouar jo vetëm bregdetin, por edhe malet shqiptare.

Aktualisht po punohet me të gjithë partnerët për ta promovuar Shqipërinë si një destinacion të dëshiruar. Qëllimi i përbashkët është vendosja e udhëtimeve të rregullta nga Praga në Tiranë dhe anasjelltas gjatë gjithë vitit. Lidhja direkte do të kontribuojë edhe në rritjen e numrit të vizitorëve shqiptarë në Republikën çeke.